काठमाडौं,९ पुस । इसाइ धर्मावलम्बीहरुको पवित्र पर्व क्रिसमसको अवसरमा राष्ट्रिय प्रजातन्त्र पार्टीका अध्यक्ष राजेन्द्र लिङदेन र वरीष्ठ उपाध्यक्ष रवीन्द्र मिश्रले शुभकामना व्यक्त गरेका छन् ।
अध्यक्ष लिङ्देन र वरिष्ठ उपाध्यक्ष मिश्र कट्टर हिन्दूवादी पार्टी राप्रपाको नेतृत्व तहमा रहेका छन् । हिन्दुवादी पार्टीको नेतृत्वमा रहेपनि आफूहरुले सबै धर्म संस्कृतिलाई सम्मान गर्ने उनीहरुको तर्क छ । लिङ्देनले भनेका छन् ‘क्रिसमसको अवसरमा सम्पूर्ण क्रिश्चियन धर्मावलम्वीहरुमा हार्दिक शुभकामना व्यक्त गर्दछु’।
यता मिश्रले पनि क्रिसमसको शुभकामना दिँदै सबैले सबैलाई सम्मान गर्न र ईश्वरले सबैको भलाइ गरून् भन्ने कामना गर्दै भनेका छन् ‘क्रिसमह्सको अवसरमा देश-विदेशमा रहनुभएका सम्पूर्ण क्रिस्चियन धर्मावलम्वीहरूमा हार्दिक शुभकामना व्यक्त गर्दछु । सबैले सबैलाई सम्मान गरौँ। ईश्वरले सबैको भलाइ गरून् ! ’
