काठमाडौं,९ पुस । राजधानीमा जारी प्रधानमन्त्री कप महिला टी-२० क्रिकेटमा बागमती प्रदेशले साविक विजेता सुदूरपश्चिम प्रदेशलाई ८८ रनको सामान्य लक्ष्य प्रस्तुत गरेको छ ।
त्रिवि क्रिकेट मैदानमा टस जितेर सुरुवातमा ब्याटिङ गरेको बागमतीले निर्धारित २० ओभरमा ८ विकेट गुमाउँदै ८७ रन जोडेको हो । उसका लागि कञ्चन श्रेष्ठले १९, हेलिसा गुरुङले १६, सोनी पाख्रिनले १३ तथा सलिना सिmवालले १० रन थपिन् ।
बलिङतर्फ सुदूरपश्चिमकी लक्ष्मी साउद र कविता जोशीले समान १ विकेट लिइन् । तीन खेलमा समान २ मा जित र एकमा हार भोगेका दुबै टिम क्रमस तेस्रो र चौथो स्थानमा रहेका छन् ।
