काठमाडौं,१२ पुस । यसअघिका लगातार २ वटा केन्द्रीय कार्यसमितिको बैठक ‘लाइभ’ गरेको सत्तारुढ दल नेपाली कांग्रेसले आजको बैठक भने लाइभ नगर्ने भएको छ ।
कांग्रेसले दिएको जानकारी अनुसार प्राविधिक समस्याका कारण बैठक लाइभ नगर्ने निर्णय भएको हो । सम्भव भएसम्म भोलिबाट बैठक लाइभ गर्ने कांग्रेसको तयारी छ ।
कांग्रेस केन्द्रीय समिति बैठक आज दिउँसो १ बजे पार्टी केन्द्रीय कार्यालय सानेपामा बस्दै छ । बैठकमा सरकारको एक वर्षको समीक्षा हुने छ । त्यस क्रममा पार्टीबाट सरकारमा सहभागी भएका मन्त्रीहरूको कार्यसम्पादनको समेत समीक्षा हुनेछ ।
