काठमाडौं,१२ पुस । नेपाली सेनाका उपरथी निर्मलकुमार थापा रिक्त रहेको रथी पदका लागि बढुवा सिफारिसमा परेका छन् ।
बढुवा सिफारिस समितिले आज एक सूचना जारी गर्दै उनीविरुद्ध सात दिने सूचना प्रकाशित गरेको हो । तत्कालीन रथी सीताराम खड्काले अनिर्वाय अवकास पाएपछि एक रथी पद रिक्त रहेको थियो ।
यसअघि सेनाले उपरथी अशोक सिग्देललाई पनि रथीमा बढुवा गरेको थियो । थापा रथीमा बढुवा भएमा सिग्देलसँगै भावी प्रधानसेनापतिको दावेदार हुनेछन् ।
हालका प्रधानसेनापति प्रभुराम शर्माले आगामी भदौबाट अनिर्वाय अवकास पाउँदैछन् । त्यसपटि सिग्देल र थापामध्ये एक जनाले सेनाको कमाण्ड सम्हाल्नेछन् ।
