काठमाडौं,१८ पुस । भन्सार नियमावली सच्याउन माग गर्दै भन्सार बिभाग घेराउ गर्न पुगेका आम जनता पार्टीका ७ नेता पक्राउ परेका छन् ।
बुधबार त्रिपुरेश्वरस्थित भन्सार विभाग पुगेका आजपाका उपाध्यक्ष तथा पूर्व सभासद तिलक थापा मगरसहितका ७ नेता पक्राउ परेका हुन् । उनीहरुलाई प्रहरीले नियन्त्रणमा लिएर कालिमाटी वृतमा लगिएको आजपाले जनाएको छ ।
भन्सार नियमावलीमा रहेको ४५℅ कथित पुरस्कारको लुटकारी प्रावधान हटाउन माग गर्दै भन्सार बिभाग घेराउ गरिरहेको आम सम्पर्क मञ्चका नेता कार्यकर्तालाई प्रहरीले गिरफ़्तार गरेको आजपाले जनाएको छ । आन्दोलनकारीमाथि प्रहरीले लठ्ठिचार्ज गर्दा आजपा नेतृ रञ्जु साह सख्त घाइते भएकी छन् ।
प्रदर्शनका क्रममा रञ्जु र तिलकसहित आर्य पाण्डे, रुपेश दास, कनक सिंह, राजकर विक्रम र पासाङख तामाङलाई प्रहरीले नियन्त्रणमा लिएको हो ।
