काठमाण्डौं, पुस २५ । भुटानमा पूर्वप्रधानमन्त्री छिरिङ तोब्गेको पिपुल्स डेमोक्रेटिक पार्टी (पीडीपी) बहुमतसहित विजयी भएको छ । मंगलबार सम्पन्न चुनावमा पीडीपीले संसदमा झण्डै दुई तिहाइ सिट जितेको हो ।
जितसँगै ५८ वर्षीय तोब्गे दोस्रो पटक प्रधानमन्त्री बन्ने पक्का भएको स्थानीय दि भुटानी पत्रिकालाई उद्धृत गर्दै बीबीसी हिन्दीले उल्लेख गरेको छ ।
आर्थिक सङ्कटकाबीच भएको चुनावमा भुटानका पूर्वप्रधानमन्त्री तोब्गेको पार्टी पीडीपीले प्रत्येक निर्वाचन क्षेत्रको प्रारम्भिक नतिजाका आधारमा ३० सिट जितेको र प्रतिद्वन्द्वी भुटान टेन्ड्रेल पार्टी ९बीटीपी० ले बाँकी १७ सिटमा कब्जा जमाएको खबरमा उल्लेख छ ।
चुनावको आधिकारिक नतिजा भने आज सार्वजनिक हुँदैछ । दुवै दलले नागरिकको खुसी र कल्याणले आफ्नो सफलता मापन गर्ने सरकारको संवैधानिकरूपमा स्थापित दर्शनका लागि प्रतिबद्ध रहेको जनाएका छन् ।
