काठमाडौं, १ माघ । नेपाली कांग्रेसका प्रभावशाली नेता तथा सांसद श्याम घिमिरेले नेपाललाई सधैं अस्थिरताको बाटोमा लैजानको लागि अहिलेको निर्वाचन प्रणालीले काम गरेको टिप्पणी गरेका छन् । निर्वाचन प्रणालीकै कारण कुनैपनि सरकार दरिलो र दिगो हुन नसक्ने अवस्थामा आफूहरु रहेको उनको भनाई छ ।
आज (सोमबार) नेपाली रेडियो नेटवर्कबाट प्रसारण भएको चर्चित कार्यक्रम ‘नेपाली बहस’ मा पत्रकार ऋषि धमलासँग कुरा गर्दै उनले यस्तो बताएका हुन् । सरकारमा आउनेले आफ्ना मान्छे भर्ती गर्ने प्रवृत्तिको विकास भएको पनि उनले टिप्पणी गरे । उनले अहिले गठबन्धनको सरकार भएकोले सरकारको काममा खासै प्रभावकारी नदेखिएको र भोलि अर्को गठबन्धनको सरकार बनेपनि योभन्दा राम्रो गर्न नसक्ने ठोकुवा गरे ।
उनले कांग्रेस र एमाले मिलेर नयाँ सरकार बनाए राम्रो हुने र बनाउन सकिने स्थिति रहेको पनि सुनाए । तर, अहिले ठूला दलहरुबीच धेरै नै अविश्वास रहेको उनको भनाई छ । एमालेले पुषमा नै कांग्रेसको नेतृत्वमा सरकार बनाउने भनेर झुक्याएको र पछि प्रचण्डलाई प्रधानमन्त्री बनाएको उनको भनाई छ । file photo
