काठमाडौं, माघ ४ । नेपाली बजारमा आज सुनचाँदीको मूल्य घटेको छ । बुधबार प्रतितोला १ लाख १८ हजार २ सय रुपैयाँमा कारोबार भएको छापावाला सुन आज तोलामा ७ सय रुपैयाँले घटेर १ लाख १७ हजार ५ सय रुपैयाँमा किनबेच भएको छ ।
नेपाल सुनचाँदी व्यवसायी महासंघका अनुसार आज तेजावी सुन तोलामा १ लाख १७ हजार ५० रुपैयाँमा कारोबार भइरहेको छ । महासंघका अनुसार आज चाँदीको मूल्य तोलमा १० रुपैयाँले घटेर १ हजार ३ सय ९० रुपैयाँमा कारोबार भइरहेको छ ।
यसअघि मंगलबार प्रतितोला १ लाख १९ हजार ४ सय रुपैयाँमा कारोबार भएको छापावाला सुन बुधबार १२ सय रुपैयाँले घट्दै १ लाख १८ हजार २ सय रुपैयाँमा कारोबार भएको थियो। त्यस्तै, बुधबार तेजावी सुन तोलामा १ लाख १७ हजार ७५० रुपैयाँ र चाँदीको मूल्य १५ रुपैयाँले घटेर तोलाको १ हजार ४ सय रुपैयाँमा कारोबार भएको थियो ।
