काठमाडौं, माघ ५ । नेपाली बजारमा आज सुनचाँदीको मूल्य बढेको छ । बिहिबार प्रतितोला १ लाख १७ हजार ५ सय रुपैयाँमा कारोबार भएको छापावाला सुन आज तोलामा ५ सय रुपैयाँले बढेर १ लाख १८ हजार रुपैयाँमा किनबेच भएको छ ।
त्यस्तै, तेजावी सुन तोलामा १ लाख १७ हजार ५५० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । आज चाँदीको मूल्य ५ रुपैयाँले बढेर तोलाको १ हजार ३ सय ९५ रुपैयाँमा कारोबार भइरहेको छ ।
