काठमाडौं, माघ १५ । प्रधानमन्त्री कप राष्ट्रिय क्रिकेट प्रतियोगितामा आज दुई खेल हुँदैछन् । आज त्रिवि क्रिकेट मैदानमा हुने खेलमा सुदूरपश्चिम प्रदेश र त्रिभुवन आर्मी भिड्दैछन् भने मुलपानी क्रिकेट मैदानमा गण्डकी प्रदेश र नेपाल पुलिस क्लबबीचको खेल हुँदैछ ।
अहिलेसम्मको खेलमा नेपाल पुलिस क्लब आफ्नो ६ खेलमा अपराजित रहदै १२ अंकसहित शीर्ष स्थानमा रहेको छ । बागमती प्रदेशले ९ खेलमा १२ अंक ल्याएर दोस्रो स्थानमा छ । मधेश प्रदेश ९ खेलमा १२ अंकसहित तेस्रो स्थानमा रहेको छ भने त्रिभुवन आर्मी क्लब ७ खेलमा ५ जितसहित १० अंकसहित चौथो स्थानमा रहेको छ । सुदूरपश्चिम प्रदेशले ६ खेलमा ४ जितसहित ८ अंक हासिल गरेर पाँचौं स्थानमा रहेको छ । त्यस्तै एपीएफ ७ खेलमा ८ अंकसहित छैटौं स्थानमा रहेको छ भने कर्णाली प्रदेश ८ खेलमा ६ अंकसहित सातौं स्थानमा रहेको छ ।
त्यसैगरी गण्डकी प्रदेशले ७ खेलमा २ जितसहित ४ अंक हासिल गर्दै आठौँ स्थानमा छ भने लुम्बिनी प्रदेशले आफ्ना ७ खेलमा एक जित र ६ हार बेहोरेर नवौं स्थानमा छ । त्यस्तै कोशी प्रदेशले अहिलेसम्म खेलेका ८ खेलमै हार बेहोरेको छ ।
