जेरुसेलम, ३ फागुन । इजरायलले कतार, इजिप्ट र अमेरिकी वार्ताकारहरूले भाग लिएको कायरो बैठकमा युद्धविराम तथा बन्धक मुक्तिको सम्झौताको लागि हमासद्वारा कुनै नयाँ प्रस्तावहरू नआएको जनाएको छ ।
इजरायलले बन्धकहरूको रिहाइका लागि हमासबाट कुनै नयाँ प्रस्ताव प्राप्त नगरेको इजरायली प्रधानमन्त्री बेन्जामिन नेतान्याहूले मङ्गलबारको बैठकमा बताएको उनको कार्यालयद्वारा जारी विज्ञप्तिमा उल्लेख छ । बैठकमा इजरायलका गुप्तचर सेवा ९मोसाद० प्रमुखले पनि भाग लिएका थिए ।
कार्यालयका अनुसार नेतान्याहूको इजरायलले हमासको अपमानजनक मागहरू नमान्ने कुरामा जोड रहेको छ । हमासको स्थितिमा परिवर्तनले वार्तामा प्रगति गर्न अनुमति दिनेछ ।
यसअघि बुधबार, अमेरिकी अधिकारीहरूलाई उद्धृत गर्दै सञ्चारमाध्यमबाट विवरणहरूले कुनै सफलता हासिल नभएको तर वार्ता सकारात्मक रहेको बताएको थियो ।प्यालेस्टिनी इस्लामिक लडाकू समूह हमासले बन्धकहरूको रिहाइको बदलामा युद्धको अन्त्यको माग गरिरहेको छ । इजरायल भने सीमित समयको युद्धविराममा मात्र सहमत छ ।
दुवै पक्ष सम्झौतामा प्यालेस्टिनी कैदीहरूको रिहाइ समावेश गर्न इच्छुक छन्, तर रिहा गरिने कैदीहरूको सङ्ख्यामा भने असहमति कायम छ । गाजामा करिब २८ हजार ५७६ प्यालेस्टिनी सहित एक हजार ४०० इजरायलीको ज्यान लिएको १३१ दिन पुगिसकेको युद्ध अन्त्य गर्न बढ्दो अन्तर्राष्ट्रिय आह्वानको बीचमा यो बैठक भएको हो । रासस
