काठमाण्डौं, फागुन १५ । वाफ वुमेन्स च्याम्पियनसिपको सेमिफाइनलमा आज नेपालले लेबनानको सामना गर्दैछ । समूह ‘बी’ विजेता बन्दै सेमिफाइनल पुगेको नेपालले समूह ‘ए’ को उपविजेता लेबनानसँग खेल्न लागेको हो।
नेपाल र लेबनानबीचको खेल साउदी अरबस्थित प्रिन्स अबदुल्लाह अल फैजल स्टेडियममा राति १०ः४५ बजे सुरु हुनेछ। समूहको अन्तिम खेलमा प्यालेस्टाइनलाई ४–० ले पराजित गर्दै नेपाल समूह विजेता बन्दै सेमिफाइनलमा प्रवेश गरेको हो। जारी प्रतियोगितामा नेपालले आफ्नो सबै खेलमा उत्कृष्ट प्रदर्शन गर्दै आएको छ।
