काठमाडौं, चैत ९ । नेपाली बजारमा आज सुन चाँदीको मूल्य घटेको छ । बिहिबार प्रतितोला २६ सय रुपैयाँले बढेर १ लाख २७ हजार ८ सय रुपैयाँमा कारोबार भएको छापावाला सुन आज १३ सय रुपैयाँले घटेको हो। आज छापावाला सुन १ लाख २६ हजार ५ सय रुपैयाँमा कारोबार भइरहेको छ ।
त्यस्तै, आज तेजावी सुन तोलामा १ लाख २५ हजार ९ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । यता, चाँदीको मूल्य प्रतितोला ५५ रुपैयाँले बढेको छ । यस दिन चाँदि प्रतितोला १ हजार ५ सय रुपैयाँमा कारोबार भइरहेको छ ।
