काठमाडौं, १७ चैत्र । जनमत पार्टीका उपाध्यक्ष तथा पूर्वमन्त्री अब्दुल खाँनले अहिले देशको राजनीतिक दल, यहाँका नेताहरुभन्दा र राजनीतिक विश्लेषकहरुभन्दा बढि रिपोर्टर्स क्लबलाई जनताले महत्वपूर्ण रुपमा हेरेको बताएका छन् ।
रिपोर्टर्स क्लब नेपालको २६औं वार्षिकोत्सव समारोहलाई सम्बोधन गर्दै उनले भने,‘मिटरब्याज पीडितलाई पनि ऋषिजीले स्थान दिनुभयो । उहाँले असहाय, निमुखाहरुको आवाजको रुपमा क्लबलाई उभ्याउनुभएको छ । रिपोर्टर्स क्लबले राजनीतिक रुपमा मात्रै विश्लेषण र साक्षात्कारमात्रै गरेको छैन्, सबै पक्षलाई स्थान दिएको छ । पीडितको मनभित्रको पीडालाई उजागर गरेको छ । बास्तवमा ऋषि धमलाजस्तो व्यक्ति यो देशमा अझै जन्मिनुपर्नेछ । मुलुकलाई सही ट्रयाकमा ल्याउनको लागि पनि अझै दुई÷चार जना ऋषि धमला चाहिएको छ ।’
