काठमाडौं, चैत २९ । अर्थसरोकार डटकमका प्रधान सम्पादक सुरज प्याकुरेल सम्मानित भएका छन् । राष्ट्रिय आर्थिक डिजिटल मिडिया अवार्डबाट प्याकुरेल सम्मानित भएका हुन् ।
मंगलबार काठमाडौंमा आयोजित विशेष समारोहकाबीच सम्पादक प्याकुरेललाई प्रतिनिधिसभाकी उपसभामुख इन्दिरा राना, सांसद डा. चन्द्र भण्डारी, अनलाइन टिभी पत्रकार संघका अध्यक्ष जीवन भण्डारी लगायतले उक्त अवार्ड हस्तान्तरण गरेका हुन् ।
आर्थिक पत्रकारिता क्षेत्रमा पुर्याएको योगदानका आधारमा प्याकुरेललाई सो अवार्डबाट सम्मानित गरिएको हो । करिब दशकदेखि आर्थिक क्षेत्रमा कलम चलाउँदै आएका प्याकुरेल आर्थिक मिडियाहरुको छाता संस्था इकोनोमिक मिडिया एसोसिएसन नेपाल (इमान)का संस्थापक महासचिव समेत हुन् ।
