![](https://reportersnepal.com/wp-content/uploads/2024/04/kp-oli-1-768x512.jpg)
काठमाडौं, १ बैशाख । नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीले संविधानको दायराभित्र रहेर आफ्नो माग राख्न भनेका छन् । उनले अहिले जनताको अधिकार नखोसिने पनि टिप्पणी गरे । उनले भने,‘यो राजतन्त्रको समय होईन, गणतन्त्रको समय हो । अहिले जनताको अधिकार खोसिँदैन् ।’ आज (शनिबार) बुढानिलकण्ठ नगर अस्पतालको उद्घाटन गर्दै ओलीले यस्तो बताएका हुन् ।
उनले भने,‘अहिले जनताको अधिकार खोसिँदैन । खोस्न मिल्दैन, यो राजतन्त्र भएको समय होइन । गणतन्त्रको समय हो । त्यसकारण यहाँ जनता र नागरिकका अधिकार सुरक्षित छन्, ती अधिकारको प्रयोग संविधानभित्र गरेर अगाडि बढ्न पाइन्छ । संविधान, परिवर्तन र जनताको सर्वोच्चता नै नमान्ने र मलाई एउटा माली चाहियो भनेर कुद्ने, त्यो माली थपना घरमा गर्दै गर, देशले माली व्यक्तिलाई थपना गर्दैन, एउटा परिवारलाई थपना गर्दैन ।’ तस्विर : बालकोट/फेशबुक