Logo

सुपर वुमेन्स कप खेल्न मलेसिया जाने नेपाली खेलाडीको बिदाई



काठमाडौं,११ वैशाख । मलेसियाको सुपर वुमेन्स कप खेल्न जाने नेपाली खेलाडीको बिदाई गरिएको छ । सोमबार साँझ नेपाल क्रिकेट संघ (क्यान) ले एक कार्यक्रमको आयोजना गर्दै नेपाली ६ जना खेलाडीलाई बिदाई गरेको हो ।

क्यानका अनुसार नेपाली राष्ट्रिय महिला क्रिकेट टिमकी कप्तान इन्दु बर्मासहित ६ जना क्रिकेटरले मलेसियन सुपर वुमन्स कप-२०२४ खेल्ने भएका छन् ।

क्यानका अनुसार कप्तान इन्दुसहित रुविना क्षत्री, सीता राना मगर, पूजा महतो, कविता कुँवर र अस्मिना कर्माचार्यले मलेसियन सुपर वुमन्स कप खेल्न जान लागेका हुन् ।

मलेसियन सुपर महिला कप-२०२४ मलेसिया क्रिकेट संघको आयोजनामा हुन लागेको छ । प्रतियोगिता २४ अप्रिलदेखि ५ मे सम्म चल्नेछ ।



प्रतिक्रिया दिनुहोस्