![](https://reportersnepal.com/wp-content/uploads/2024/04/439133793_1396582474393488_2874186368840223354_n-768x432.webp)
काठमाडौं । वैशाख १५ गते हुने बझाङ प्रदेश सभा ख को उपनिर्वाचनमा नेकपा एमालेका तर्फबाट उम्मेदवार रहेका दमन भण्डारी पितृशोकमा छन् । उनका ८८ वर्षिय पिता चक्रबहादुर भण्डारीले मंगलबार निधन भएको थियो ।
मंगलबार निधन भएका भण्डारीको आज बिहान भ्यागुते खोलाको सेतीदोभानमा अन्त्येष्टि गरिएको एमाले केन्द्रीय सदस्य ऐन महरले जानकारी दिए । उम्मेदवार नै पितृशोकमा परेपछि एमालेले मंगलबारको सबै चुनावी गतिविधि स्थगित गरेको थियो । आजबाट भने चुनावी प्रचारलाई निरन्तरता दिने एमालेले जनाएको छ ।
उनको पार्थिव शरीरमा एमाले स्थायी कमिटी सदस्य कर्ण थापा, पोलिटब्युरो सदस्य राजेन्द्र रावल र केन्द्रीय सदस्य ऐन महरले सामूहिक रुपमा पार्टीको झन्डा ओओढाएर श्रद्धाञ्जली दिएका थिए । श्रद्धाञ्जली सभामा उल्लेख्य मात्रामा एमालेका नेता कार्यकर्ताहरूको उपस्थिति रहेको थियो । साथमा अन्य पार्टीका नेता कार्यकर्ता पनि उपस्थित थिए । श्रद्धाञ्जली सभामा बोल्दै स्थायी कमिटी सदस्य कर्ण थापाले शोकलाई शक्तिमा बदल्नु पर्ने बताएका थिए ।
बझाङबाट निर्वाचन प्रदेश सभा सदस्य पृथ्वीबहादुर सिंहको गत असारमा निधन भएपछि त्यहा उपनिर्वाचन हुन लागेको हो ।
तस्बिर/ ऐन महरको फेसबुकबाट
![](https://reportersnepal.com/wp-content/uploads/2024/04/437516507_1396581627726906_2668348636434986719_n-768x432.webp)
![](https://reportersnepal.com/wp-content/uploads/2024/04/437540676_1396581671060235_7020057924922170781_n-768x432.webp)
![](https://reportersnepal.com/wp-content/uploads/2024/04/439133793_1396582474393488_2874186368840223354_n-768x432.webp)