काठमाडौं, १५ बैशाख । नेपाली कांग्रेस र एमालेका नेताहरुबीच जम्काभेट भएको छ । एमाले महासचिव शंकर पोखरेल, स्थायी कमिटी सदस्य लेखराज भट्ट, कांग्रेस नेता रमेश लेखक, चन्द्र भण्डारीलगायतका नेताहरुको आज काठमाडौंको आन्तरिक विमानस्थलमा भेटवार्ता भएको हो ।
चन्द्र भण्डारी र रमेश लेखकले एमाले नेताहरुसँगको एयरपोर्टमा भएको उक्त भेटको तस्विर सार्वजनिक गरेका छन् । पछिल्लो समय एमाले र कांग्रेसबीच सत्ता–सहकार्यको हल्ला चलेको छ । तर, एमालेका शीर्ष नेताहरुले भने उक्त हल्लामा कुनै सत्यता नभएको स्पष्ट पार्दै आएका छन् ।
