रुकुमपूर्व, वैशाख १९ । नेकपा (माओवादी केन्द्र) का केन्द्रीय सदस्य तथा पूर्व युवा तथा खेलकुद मन्त्री दलजित श्रीर्पालीलाई पुत्री शोक परेको छ । लामो समयदेखि क्यान्सर रोगबाट पीडित पूर्व मन्त्री श्रीर्पालीका माइली छोरी सङ्गीता श्रीर्पालीको मङ्गलबार निधन भएको हो ।
दुई वर्षदेखि पोर्चुगलको राजधानीस्थित एक अस्पतालमा उपचारकै क्रममा निधन भएको हो । आन्द्रा त्यसपछि फोक्सो क्यान्सरबाट ग्रसित सङ्गीताको उपचारको क्रममा २९ वर्षको अल्पायुमै दुःखद निधन भएको वाइसिएल नेपालका केन्द्र अध्यक्ष समेत रहेका सङ्गीताका दाजु सुबोधराज श्रीर्पालीले बताए । स्वर्गीय सङ्गीताको श्रीमान् र चार वर्षीय एक छोरा रहेका छन्।
