काठमाडौं । बझाङ प्रदेश सभा (क)को उपनिर्वाचनमा निर्वाचित नेकपा एमालेका सांसद दमनबहादुर भण्डारी यतिबेला काठमाडौंमा छन् । गत वैशाख १५ गते भएको उपनिर्वाचनमा निर्वाचित भएर भण्डारीले प्रदेश सभामा एमालेको एक सीट थपेका थिए ।
भण्डारी शुक्रबार साँझ केन्द्रीय सदस्य ऐन महरसहितका नेताहरु लिएर काठमाडौं आएका हुन् । उनले एमाले अध्यक्ष केपी शर्मा ओली, उपाध्यक्ष विष्णुप्रसाद पौडेललगायतका नेताहरुसँग भेटेका छन् । शनिबार एमाले मूख्यालय च्यासल पुगेका भण्डारीले नेता कार्यकर्तासँग छलफल गरेको केन्द्रीय सदस्य महरले जानकारी दिए ।
