काठमाडौं, ३० बैशाख । आगामी असार १४ गतेबाट प्रसारणमा आउने टेलिभिजन कमेडी शो ‘कमेडी दरबार’ को फस्टलुक सार्वजनिक भएको छ । बिक्की अग्रवाल र श्रृद्धा प्रसाईंले निर्देशन गर्ने यो शो प्राइम टाइम टेलिभिजनमा प्रत्येक शुक्रबार ९ बजे र ओएसआर डिजिटलबाट प्रसारण हुने बताइएको छ ।
जसमा कमेडी दरबारका कलाकारहरुको लुक्स सार्वजनिक गरिएको थियो । फस्टलुक सार्वजनिक कार्यक्रममा प्राइम टिभीका अध्यक्ष ऋषि धमला, चलचित्र निर्देशक तथा कलाकार दीपाश्री निरौला, कमेडी च्याम्पियनका निर्देशक बिशाल भण्डारीलगायतले शुभकामना दिएका थिए ।
पत्रकार ऋषि धमलाले ’कमेडी दरबार’लाई प्राइम टेलिभिजनबाट प्रसारण गर्न पाउनु आफ्नो लागी खुसीको कुरा र भोलीका दिनमा टेलिभिजनमा अन्य यस्तै फरक शो र दर्शकको मनमा बस्ने शो ल्याउने जानकारी दिए । कार्यक्रममा प्राइम टाइम टेलिभिजनका सिईओ विकास लामिछाने, निर्देशक एलिजा गौतम, ओएसआर डिजिटलका ओम अग्रवाल, सुमित्रा थापाको पनि उपस्थिति रहेको थियो ।
कमेडी दरबारको मुख्यकलाकारमा अभिनेत्री गौरी मल्ल पनि छिन् । उनी महारानीको भूमिकामा देखिदैछिन् । गौरी मल्लासँगै अभिनेता बिजय बराल, अभिनेत्री नम्रता सापकोटा, नम्रता श्रेष्ठ, पबित्रा शाकी (मिस पबि)सँगै कमेडीयनहरु हिमेश पन्त, पवन खतिवडा, उत्सव सापकोटा, सुन्दर खनाल लगायतले आफ्नो भूमिका बारे जानकारी गराएका थिए ।
शोमा अर्का कलाकार गायक सिडी बिजय अधिकारी भने सांगितीक कार्यक्रमका लागी देश बाहिर रहेकाले कार्यक्रममा उपस्थित हुन सकेनन् । शोको आर्टिष्ट म्यानेजमेन्ट तथा मिडिया संयोजनको भूमिकामा गोपिकृष्ण चापागाईं रहेका छन् । शोको क्रिएटिभ प्रमुखमा बिकाश अर्याल रहेका छन् भने प्रोडक्सनमा आयुष लुईटेल छन् । Photo Source: Artist Khabar
