![](https://reportersnepal.com/wp-content/uploads/2024/05/eed3d00a-e472-45e8-9704-a24bb2f601bb-768x576.webp)
काठमाडौं । ललितपुरको भैँसेपाटीमा निर्माणाधीन नयाँ मन्त्री क्वाटरमा शहरी विकास मन्त्री धनबहादु बुढाको टोलीले अनुगमन गरेको छ । मन्त्री क्वाटरभित्रको अन्तिम चरणको काम सकिने अवस्था रहेको र साउनभित्रमै पुल्चोकस्थित क्वाटरमा रहेका मन्त्रीहरुलाई भैसेपार्टीस्थित नयाँ भवनमा सार्ने शहरी विकास मन्त्रालयको तयारी छ ।
नयाँ मन्त्री क्वाटरको सोमवार अनुगमन गर्दै शहरी विकासमन्त्री बुढाले साउनभित्रमा पुल्चोक मन्त्री क्वाटरलाई भैँसेपार्टीमा सारिने जानकारी दिए । मन्त्रालयका सचिव मणिराम गेलाल, भनन विभागका डिजी कुमार घिमिरे लगायत लिएर भैँसेपार्टी पुगेका मन्त्री बुढाले मन्त्री क्वाटरको पछिल्लो प्रगतीवारे जानकारी लिएका थिए । मन्त्री बुढाले यही साउनभित्रमा मन्त्रीहरुलाई सार्ने गरि निर्माणको काम गर्न निर्देशन दिएका हुन् ।
भैंसेपाटीमा मन्त्रीहरूका लागि २४ वटा र राष्ट्रियसभा अध्यक्ष, उपाध्यक्ष र प्रतिनिधिसभाका उपसभामुखका लागि क्वाटर निर्माण भइरहेको छ। प्रत्येक ११ आनामा एक जना मन्त्रीका लागि क्वाटर निर्माण गरिएको छ । जसअन्तगत ८ आनामा भवन निर्माण गरिएको छ । राष्ट्रियसभा अध्यक्ष, उपाध्यक्ष र प्रतिनिधिसभाका उपसभामुखका लागि भने आवास क्षेत्रफल बढाइएको विभागका महानिर्देशक कुमार घिमिरेले बताए ।
सहरी विकास मन्त्रालय अन्तर्गतको भवन विभागले मन्त्री क्वाटरसँगै अन्य संरचना पनि तयार गर्दैछ। हेलिप्याड, स्विमिङ पुल, ग्रोसरी भवन, सुरक्षाका लागि बस्ने प्रहरीका लागि ३ वटा ब्लक भवन, फाउन्टेनसँगको बगैंचा बनाउने काम अन्तिम चरणमा पगेको छ ।
![](https://reportersnepal.com/wp-content/uploads/2024/05/eed3d00a-e472-45e8-9704-a24bb2f601bb-768x576.webp)
![](https://reportersnepal.com/wp-content/uploads/2024/05/6ebb77a5-f852-48d9-8209-4fe97dab0c3a-768x576.webp)
![](https://reportersnepal.com/wp-content/uploads/2024/05/b3c8c27d-2916-4013-9cc2-65c80cc69c88-768x576.webp)