काठमाडौं, जेठ १५ । एनआइसी एसिया बैंकले आफ्नो मधेश प्रादेशिक कार्यालय र वीरगन्ज शाखा कार्यालय वीरगञ्ज महानगरपालिका १० आदर्शनगरस्थित नवनिर्मित आफ्नै भवनबाट सञ्चालन गर्न थालेको छ।
यसअघि बर्दिबास नगरपालिकामा रहेको मधेश प्रादेशिक कार्यालय र विरगञ्ज शाखा यही नवनिर्मित भवनमा स्थानान्तरण भई सम्पूर्ण बैंकिङ कारोबार सञ्चालन भइरहेको बैंकले जनाएको छ।
नवनिर्मित भवनबाट ग्राहकले सम्पूर्ण किसिमका अत्यावश्यक बैंकिङ सेवा लिन थप सहज हुने विश्वास बैंकले लिएको छ। साथै नवनिर्मित भवनमा क्यास डिपोजिट मेसिन, क्यास रिसाइकल मेसिन र डिजिटल बैंकिङ कारोबार गर्न बेग्लै हलसमेत सञ्चालनमा ल्याएको जनाएको छ।
