काठमाडौं, जेठ १८ । नेपालमा स्थानीय वायु, पश्चिमी वायूको आंशिक प्रभाव सँगै भारतको बिहार आसपास रहेको न्यून चापीय प्रणालीको पनि आंशिक प्रभाव रहेको छ। उक्त प्रभावका कारण अहिले कोशी प्रदेश, मधेश प्रदेश र बागमती प्रदेशमा सामान्य बदली रही बाँकी भू-भागमा आंशिक बदली रही कोशी प्रदेश एक-दुईस्थानमा चट्या्ङ्ग सहित हल्का वर्षा भइरहेको छ ।
जल तथा मौसम पूर्वानुमान महाशाखाका अनुसार आज दिउँसो कोशी, बागमती र गण्डकी प्रदेशका थोरै स्थानमा तथा मधेश प्रदेश र लुम्बिनी प्रदेशका पहाडी भू(भागका एक-दुई स्थानमा चट्या्ङ्ग सहित हल्का वर्षाको सम्भावना रहेको छ।
त्यस्तै, आज राती कोशी, मधेश, बागमती र गण्डकी प्रदेशका थोरै स्थानमा तथा लुम्बिनी प्रदेशका पहाडी भू-भागका एक-दुई स्थानमा चट्याङ्ग सहित मध्यम वर्षाको सम्भावना रहेको महाशाखाले उल्लेख गरेको छ ।
