राष्ट्रसङ्घ २५ असार । सेनाले गाजा सहरमा पछिल्लो आक्रमणमा मा दर्जनौँ आतङ्ककारीहरू मारिएको भन्दै गाजामा इजरायलले जारी गरेको पछिल्लो सामूहिक निकासी आदेशमाथि संयुक्त राष्ट्र सङ्घले मङ्गलबार विरोध गरेको छ ।
इजरायलले सोमबार गाजाको मुख्य सहरको अधिकांश भागलाई आफ्नो निकासी चेतावनी विस्तार गरी तीव्र लडाई सुरु गरेको छ ।
इजरायलले सैन्य कारबाहीको नयाँ चरणमा जुन–२७ देखि गाजाका लागि तीन र प्यालेस्टिनी क्षेत्रको लागि एक निकासी आदेश जारी गरेको छ । परिणमस्वरुप दशौँ हजार नागरिक भागेको राष्ट्रसङ्घले जनााएको छ ।
गाजा सहरका बासिन्दाहरूले दक्षिणपश्चिमी छिमेकमा रातभरि “विस्फोट र धेरै बन्दुक युद्धहरू र हेलिकप्टर आक्रमणह भएको रिपोर्ट गरेका छन् ।
उनीहरुले नागरिकहरू अझै सहर छोडेर जाँदै गरेको र विस्थापितहरूले पहिले नै एउटा निकासी क्षेत्रबाट बसाइँ सरेको र केवल उनीहरूको शरणको नयाँ ठाउँ लक्ष्य बनेको बताए ।
राष्ट्रसङ्घीय मानव अधिकार कार्यालयले नागरिकहरूलाई दिइएको नयाँ आदेशमा “स्तब्ध“ भएको बताएको छ । जसमध्ये धेरैलाई धेरै पटक जबरजस्ती विस्थापित गरिएको छ, जहाँ आईडीएफको सैन्य कारबाही जारी छ र जहाँ नागरिकहरू मारिएका र घाइते भएका छन् ।
इजरायली सेनाले “गाजा सहरको दक्षिण र पश्चिममा मानिसहरूलाई जान निर्देशन दिएको क्षेत्रलाई लक्षित गरी आफ्नो आक्रमणलाई तीव्र बनाएको“ कारण सोमबार मध्य गाजा सहरबाट पश्चिमतर्फ जान भनिएको नागरिकहरू नयाँ लडाइँमा फसेको कार्यालयले जनाएको छ ।
गाजाका बासिन्दालाई अब देइर अल–बलाहको केन्द्रीय जिल्लामा सर्न भनिएको छ, जुन राष्ट्रसङ्घीय कार्यालयले “गाजा पट्टीका अन्य क्षेत्रहरूबाट विस्थापित प्यालेस्टिनीहरूले पहिले नै गम्भीर रूपमा भरिएको जनाएको छ ।
इजरायली सेनाले गाजामा हमास र इस्लामिक जिहादका लक्ष्यहरू विरुद्ध “आतङ्कवादी विरोधी अभियान“ चलाइरहेको बताएको छ ।
अन्तिम लडाइँमा सेनाले हवाई आक्रमणमा दर्जनौँ आतङ्ककारीलाई मारेको सेनाले विज्ञप्ति मार्फत जनाएको छ । आक्रमणमा हतियारहरू जफत गरिएको भने भूमिगत मार्गहरु नष्ट गरिएको छ । रासस
