![](https://reportersnepal.com/wp-content/uploads/2024/07/Deuwa-Samsad-6-768x527.jpeg)
काठमाडौं, ६ साउन । नेपाली कांग्रेसका सभापति शेरबहादुर देउवाले प्रधानमन्त्री केपी शर्मा ओली नेतृत्वको वर्तमान सरकारको कामले अब मुलुकले उन्नतिको नयाँ बाटो समात्ने दाबी गरेका छन् । प्रतिनिधिसभाको आजको बैठकमा प्रधानमन्त्री ओलीले मागेको विश्वासको मतमाथिको छलफलमा भाग लिने क्रममा उनले यस्तो दाबी गरेका हुन् ।
उनले प्रधानमन्त्री ओलीलाई अध्ययनशील र अनुभवी नेताको रूपमा समेत चित्रण गरे । सो क्रममा उनले कांग्रेस र एमालेबीच भएको ७ बुँदे सहमतिको पूर्ण कार्यान्वयन गर्न कांग्रेस प्रतिबद्ध रहेको भन्दै एमालेबाट पनि त्यही अपेक्षा गरेको सुनाए ।
सम्बोधनको क्रममा उनले भने,“प्रधानमन्त्ती अत्यन्तै अध्ययनशील, मिहिनेती र अनुभवी हुनुहुन्छ । उहाँको मन्त्रिमण्डलका साथीहरू पनि योग्य सक्षम हुनुहुन्छ । उहाँहरूको नेतृत्वमा मुलुकले उन्नतिको नयाँ बाटो समात्नेछ ।’ सभापति देउवाले प्रधानमन्त्री ओलीलाई विश्वासको मत दिने भन्दै अन्य दललाई पनि विश्वासको मत दिन आग्रह गरे ।
![](https://reportersnepal.com/wp-content/uploads/2024/07/Deuwa-Samsad-1-768x527.jpeg)
![](https://reportersnepal.com/wp-content/uploads/2024/07/Deuwa-Samsad-4-768x669.jpeg)
![](https://reportersnepal.com/wp-content/uploads/2024/07/Deuwa-Samsad-6-768x527.jpeg)
![](https://reportersnepal.com/wp-content/uploads/2024/07/Deuwa-Samsad-3-768x560.jpeg)
![](https://reportersnepal.com/wp-content/uploads/2024/07/Deuwa-Samsad-5-768x514.jpeg)
![](https://reportersnepal.com/wp-content/uploads/2024/07/Deuwa-Samsad-2-768x521.jpeg)
तस्विर : मुकुन्द कालिकोटे, रिपोर्टर्स नेपाल डटकम