![](https://reportersnepal.com/wp-content/uploads/2024/07/kiran-paudel-768x509.jpg)
काठमाडौं, ११ साउन । प्रधानमन्त्री केपी शर्मा ओलीले आफ्नो जनसरोकार तथा जनसम्पर्क सल्लाहकारमा युवा नेता किरण पौडेललाई नियुक्त गरेका छन् । एमालेका केन्द्रीय सदस्य एवं राष्ट्रिय युवा संघ नेपालका पूर्वअध्यक्ष समेत रहेका पौडेललाई आजैबाट लागु हुनेगरि सो जिम्मेवारी प्रदान गरिएको हो ।
युवा पुस्ताका लोकप्रिय नेता पौडेल गत ०७९ को आम निर्वाचनमा काठमाडौं क्षेत्र नम्बर १ बाट चुनावी प्रतिष्पर्धामा थिए । उनी पार्टीको संगठन निर्माणदेखि समाजसेवामा सक्रिय भूमिका खेल्ने युवा नेताको रुपमा परिचित छन् । हालै जाजरकोटमा केन्द्रविन्दु बनाएर गएको विनाशकारी भूकम्पको बेला उद्धार तथा राहत कार्यमा खटेका थिए ।
यस्तै, पीडित परिवारको अस्थायी बसोबासको लागि पनि उनको नेतृत्वमा युवाहरुको ठूलो टिम परिचालित थियो । पौडेलले जाजरकोट भूकम्पमा निर्वाह गरेको भूमिकाको अध्यक्ष ओलीबाट सार्वजनिक रुपमै प्रशंसा भएको थियो ।
अहिले प्रधानमन्त्रीको टिममा रहेर काम सुरु गर्न लागेका युवा नेता पौडेलको नियुक्तीलाई लिएर एमालेमात्रै नभएर देशभरिका युवा पँक्तिमा खुशियाली छाएको छ। file photo