१८ देशमा राजदूत सिफारिस, को-कहाँ?

काठमाडौं, साउन १५ । सरकारले विभिन्न १८ वटा देशका लागि राजदूत सिफारिस गर्ने निर्णय गरेको छ । सोमबार बसेको मन्त्रिपरिषद् बैठकले उक्त निर्णय गरेको सङ्घीय मामिला तथा सामान्य प्रशासनमन्त्री राजकुमार गुप्ताले जानकारी दिए।

उनले भारतका लागि राजदूतमा शङ्कर शर्मालाई निरन्तरता दिने र अमेरिकाको राजदूतमा लोकदर्शन रेग्मीलाई सिफारिस गर्ने निर्णय गरेको जानकारी दिए। मन्त्री गुप्ताका अनुसार बैठकले विभिन्न पाँच वटा देशबाट राजदूत फिर्ता बोलाउने समेत निर्णय गरेको छ । बैठकले २२ जना सचिवको सरुवाको निर्णय गरेको उनले बताए ।

त्यसैगरी तीन वटा प्रदेशका प्रदेश प्रमुख फिर्ता बोलाउने निर्णय गरेको उनको भनाई छ । उनका अनुसार वाग्मती, लुम्बिनी र कर्णाली प्रदेशका प्रदेश प्रमुखलाई फिर्ता बोलाउने निर्णय गरेको हो । वाग्मतीका प्रदेश प्रमुख यादवचन्द्र शर्मा, लुम्बिनीका प्रदेश प्रमुख अमिक शेरचन र कर्णालीका प्रदेश प्रमुख तिलक परियारलाई फिर्ता बोलाउने निर्णय गरेको उनको भनाई छ ।

नयॉ राजदूतहरू को-कहाँ?

१. भारतमा शंकर शर्मा,

२.अमेरिकामा पूर्वमुख्य सचिव लोकदर्शन रेग्मी,

३. बेलायतमा पूर्वसचिव चन्द्र घिमिरे,

४. दक्षिण कोरियामा एमाले पूर्वउपसभामूख डा शिवमाया तुम्बाहाङ्फे,

५. मलेसियामा नेत्र तिमल्सिना,

६. चीनमा कृष्णप्रसाद ओली ,

७. जर्मनीमा शैल रूपाखेती,

८. पाकिस्तानमा रिता धिताल,

९. दक्षिण अफ्रिकामा कपिलमान श्रेष्ठ,

१०. स्पेनमा सनिल नेपाल,

११. साउदी अरबमा नरेश विक्रम ढकाल,