काठमाडौं, साउन २४ । बुधबार सुरु भएको नेपाली कांग्रेसको केन्द्रीय समितिको बैठक आज पनि बस्दैछ। पार्टी केन्द्रीय कार्यालय सानेपामा दिउँसो १ बजे बस्ने बैठकमा हिजो पेश भएका ११ वटा एजेण्डामाथि आजबाट छलफल प्रारम्भ हुँदैछ ।
पार्टी सहमहामन्त्री जीवन परियारका अनुसार आजको बैठकमा यसअघि महासमिति बैठकमा पेश भएका प्रतिवदनमाथि समेत छलफल हुनेछ।
कांग्रेसले भदौ १५ देखि मंसिर १५ सम्म देशभर संगठनात्मक अभियान चलाउने निर्णय गरेको छ। अभियानमा केन्द्रीय सदस्यलाई ७७ वटै जिल्लामा खटाउने तयारी कांग्रेसको छ। साथै आजको बैठकमा समसामयिक राजनीतिक विषयमा पनि छलफल गर्ने बताइएको छ।
