काठमाडौं, २६ साउन । नेकपा (मातृभुमी) का केन्द्रीय संयोजक गणेश गोतामे, नेकपा (एमाले) भोजपुरका नेता राजकुमार आलेमगर, एमालेकै तेह्रथुमका नेताहरु प्रकाश अधिकारी, दिपक शिवाकोटीलगायत आम जनता पार्टी (आजपा) मा प्रवेश गरेका छन् ।
आज (शनिबार) काठमाडौंमा आयोजित एक कार्यक्रमकाबीच अध्यक्ष प्रभु साहले नवप्रवेशीहरुलाई पार्टीमा खादा तथा माला लगाएर स्वागत गरेका हुन् । सो क्रममा साहले अब देशमा निर्णायक तेस्रो जनआन्दोलनको आवश्यकत्ता औंल्याउँदै त्यहीअनुसार तयारीमा जुट्न आह्वान गरेका छन् ।
नेपालमा दलतन्त्रको कारण लोकतन्त्र संकटमा परेको अवस्थामा अहिले कांग्रेस र एमाले दुई दल मिलेर दलतन्त्रपनि मास्न खोजेको उनको दाबी छ । जनताको शासन नआएसम्म देश समृद्ध हुन नसक्ने उनको ठोकुवा छ ।
