काठमाडौं, २ भदौ । नेपाली कांग्रेसका प्रभावशाली नेता तथा सांसद डा. चन्द्र भण्डारीले भ्रष्टाचारको चक्रव्यूहलाई नचिरेसम्म मुलुक अगाडि बढ्न नसक्ने दाबी गरेका छन् । पछिल्लो समय सामाजिक सञ्जालमा सक्रिय नेता भण्डारीले सुशासनको सवालमा कुरा उठाईरहेका छन् ।
यही सिलसिलामा उनले आज भ्रष्टाचारलाई नचिरेसम्म देश अघि बढ्न नसक्ने ठोकुवा गरेका हुन् । उनले भ्रष्टाचार हटाउन सम्भव रहेको पनि उल्लेख गरेका छन् । यसको लागि राजनीतिमा रहेकाहरु इमानदार हुनुपर्ने उनको सुझाव छ । उनले राजनीतिक नेतृत्वमा मुलुक प्रथमको भावना हृदयदेखि नै निशर्त पर्नुपर्ने सुझाव दिएका छन् ।file photo
