चन्द्रसिंह कार्कीको निधनको खबरले अत्यन्त दुखित् बनाएको छ : प्रचण्ड

काठमाडौं, ४ भदौ । नेकपा (माओवादी केन्द्र) का अध्यक्ष तथा पूर्व प्रधानमन्त्री पुष्पकमल दाहालले सुर्खेतबाट नेपालगञ्ज जाँदै गर्दा गाडी दुर्घटनामा परि हुम्ला सर्केगाड गाउँपालिका उपाध्यक्ष तथा हाम्रो पार्टीका कर्णाली प्रदेश समिति सचिवालय सदस्य चन्द्रसिंह कार्की ‘मुक्ति’ को निधन भएको खबरले अत्यन्त दुखित बनाएको बताएका छन् ।

उनले कार्कीप्रति हार्दिक श्रद्धान्जली अर्पण गर्दै उनको जीवनसङ्गीनी कर्णाली प्रदेशसभा सदस्य ।जुम्कीत लामासहित शोकाकुल परिवारजनमा गहिरो समवेदना प्रकट गरेका छन् । अध्यक्ष दाहालले उक्त दुर्घटनामा घाइते भई उपचाररत हुम्ला ताजाकोट गाउँपालिका अध्यक्ष माओवादीका कर्णाली प्रदेश समिति सहसचिव लालकेश जैशीलगायत सबैको शिघ्र स्वास्थ्यलाभको कामना समेत गरेका छन् । file photo