पाल्पा, कार्तिक २१ । सिद्धार्थ राजमार्गको गौडेपुल नजिकै मोटरसाइकल दुर्घटना हुँदा एक जनाको मृत्यु भएको छ । एक जना गम्भीर घाइते भएका छन् । बुटवलबाट तानसेनतर्फ आउँदै गरेको मोटरसाइकल तानसेन ८ गौडेपुल नजिकै दुर्घटना हुँदा मोटरसाइकलको पछाडि बस्ने २७ वर्षीय सावित्रा थापाको ज्यान गएको हो ।
मंगलबार दिउँसो २ बजेतिर लु ८८ प ५५६५ नम्बरको मोटरसाइकल अनियन्त्रित भई सडकदेखि अन्दाजी ५० मिटर तल खोलामा खस्दा मोटरसाइकल चालक तानसेन नगरपालिका ७ प्रभास बस्ने ४३ वर्षीय ईन्द बहादुर गाहा घाइते भएका छन् ।
घाइते थापा र गाहालाई अस्पताल लगिएको र उपचारको क्रममा थापाको निधन भएको प्रहरीले जनाएको छ । गाहाको लुम्बिनी मेडिकल कलेज प्रभासमा उपचार भईरहेको छ । उनको अवस्था गम्भीर रहेको प्रहरीले जनाएको छ । घटनाबारे अनुसन्धान भइरहेको प्रहरीले जनाएको छ ।
