डडेल्धुरा, कार्तिक २५ । नेपाली काँग्रेसका सभापति तथा पूर्वप्रधानमन्त्री शेरबहादुर देउवा आज गृहजिल्ला डडेल्धुरा जाने भएका छन्। काँग्रेस सुदूरपश्चिमका अनुसार देउवाले एकसाता डडेल्धुरामै बिताउने छन् । डडेल्धुरामा विभिन्न देवीदेउताको जात्रामा सभापति देउवा सहभागी हुने कार्यक्रम छ। उनी मंसिर २ गतेसम्म डडेल्धुरामै बस्ने छन् ।
देउवा कात्तिक ३० गते गन्यापधुरा गाउँपालिका–१ रुवाखोलामा रहेको आफ्नो जन्मघर पुग्ने छन्। यस्तै, कात्तिक २७ गते गन्यापधुरा गाउँपालिकाको बडालमा रहेको चौलोले प्रख्यात बडाल जाँत (जात्रा) मा सहभागी हुनेछन् ।
मङ्सिर १ गेत उग्रतारा मेलालगायतमा सहभागी हुने देउवाले जोगबुढामा हुने आम भेला, आलिताल गाउँपालिका र परशुराम नगरपालिकामा हुने भेलालाई पनि सम्बोधन गर्ने कार्यक्रम छ। उनी मंसिर २ गते कैलालीको चौमालामा रहेको चौमाला बहुमुखी क्याम्पसको भवन उद्घाटन गरेर काठमाडौं फर्किनेछन् ।
