काठमाडौं, कार्तिक २५ । नेपाली बजारमा आज सुनको मूल्य घटेको छ। साताको पहिलो दिन आज सुनको मूल्य तोलामा पाँच सय रुपैयाँले घटेको हो।
नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ६६ हजारमा कारोबार भइरहेको छ। साताको अन्तिम दिन शुक्रबार सुन प्रतितोला एक लाख ६६ हजार ५ सय रुपैयाँमा कारोबार भएको थियो।
त्यस्तै, आज चाँदीको मूल्य पनि घटेको छ। आज चाँदी प्रतितोला एक हजार ९ सय ६० रुपैयाँमा कारोबार भइरहेको महासंघले जनाएको छ ।
