काठमाडौं, २६ कार्तिक । नेपालका लागि चिनियाँ राजदूत छन् सोङले परराष्ट्रमन्त्री डा. आरजु राणा देउवासँग भेटवार्ता गरेका छन् । राजदूत सोङ्ले सिंहदरबारस्थित् परराष्ट्र मन्त्रालयमा पुगेर मन्त्री राणासँग आज भेटवार्ता गरेका हुन् ।
उनीहरुबीच प्रधानमन्त्री केपी शर्मा ओलीको आसन्न चीन भ्रमणको विषयमा कुराकानी भएको जनाईएको छ । प्रधानमन्त्रीको चीन भ्रमणको संयोजनको जिम्मा पनि मन्त्री राणाले पाएकी छिन् । प्रधानमन्त्री ओली आगामी मंसिर १७ गते चीन जाने मिति तय भएको छ । file photo
