काठमाडौं, कार्तिक २७ । आईसीसी अन्डर नाइन्टिन महिला टी–ट्वान्टी विश्वकप एसिया छनोटमा आज नेपालले कुवेतसँग खेल्दैछ। खेल यूएईस्थित सेभेन्स स्टेडियममा अहिले बिहान सवा ११ बजे सुरु हुनेछ। यसअघि आइतबार भएको चौथो खेलमा नेपालले थाइल्यान्डलाई १ सय ६ रनले पराजित गरेको थियो। पहिलो खेलमा नेपालले कुवेतलाई १०८ रनले पराजित गरेको थियो।
प्रतियोगितामा नेपालसहित घरेलु टोली यूएई, थाइल्यान्ड र कुवेत सहभागी छन्। सहभागी चार टोली मध्ये डबल राउन्ड रोविनका आधारमा शीर्ष स्थान हासिल गर्ने टोली आईसीसी यू–१९ महिला टी–२० विश्वकपका लागि छनोट हुनेछ। नेपालले अन्तिम खेल बिहीबार यूएईसँग खेल्नेछ।
