काठमाडौं, कार्तिक ३० । नेपाली सेनाले ठूलो संख्यामा आवेदन माग गरेको छ। नेपाली सेनाको भर्ना छनौट निर्देशनालय जंगी अड्डाले आज सुचना सार्वजनिक गर्दै ठूलो संख्यामा सैन्य तथा विभिन्न ट्रेडका लागि दरखास्त आह्वान गरेको हो।
जंगी अड्डाका अनुसार २ हजार ५ सय १० जना सैन्यको माग भएको छ। यसैगरी कुचिकार लोहार केशकर्तक बकासी लगायतका विभिन्न पदका लागि १२५ जनाले जागिर पाउने भएका छन्। यसैगरी प्राडर प्राविधकर हवाइ र विविध सेवाका अधिकृत ११९ जना मागिएको छ। जसमा समाचार सम्पादक, बाचक लाइब्रेरियन लगायत छन्।
सैन्य पदका लागि कक्षा ८ पास गरेको भए पुग्ने छ। दरखास्त दिने अन्तिम म्याद मंसिर २९ सम्म तोकिएको छ। दोब्बर दस्तुर बुझाई पुस ६ गतेसम्म दरखास्त दिन सकिने नेपाली सेनाले जनाएको छ।
