ओखलढुंगाको मोलुङ गाउँपालिका-५ को वडा अध्यक्षमा एमालेका गंगा तामाङ विजयी

काठमाडौं, १६ मंसिर । आज भएको स्थानीय तहको उपनिर्वाचनअन्तर्गत ओखलढुंगाको मोलुङ गाउँपालिका वडा नम्बर ५ को वडाध्यक्षमा एमालेको उम्मेदवार गंगा तामाङ विजयी भएका छन् ।

एमाले सचिव योगेश भट्टराईले जनाएअनुसार गंगा ३९९ मतसहित विजयी भएका हुन् । एमाले उम्मेद्वार गंगाले नेपाली कांग्रेसका उम्मेद्वार घनश्याम दाहाललाई पराजित गरेका हुन् । दाहालले १७७ मत प्राप्त गरे ।