काठमाडौं, मंसिर १९। नेपाल प्रिमियर लिग (एनपीएल) मा आज दुई खेल हुँदै छन् । कीर्तिपुरस्थित त्रिवि क्रिकेट मैदानमा हुने पहिलो खेलमा कर्णाली याक्स र काठमाडौं गुर्खाजबीच प्रतिस्पर्धा हुँदै छ । प्रतियोगितामा दुवैले आ–आफ्नो पहिलो खेलमा हार बेहोरेका छन् । यो खेल बिहान ९ः१५ बजेदेखि शुरु हुदै भएको छ ।
त्यस्तै बिराटनगर किंग्स र लुम्बिनी लायन्सबीच दोस्रो खेल हुदै छ । विराटनगर लायन्सले आफ्ना यसअघिका दुवै खेलमा हार बेहोरेको छ भने लुम्बिनी लायन्सले आफ्नो पहिलो खेल खेल्दै छ । यो खेल दिउँसो १ः१५ बजेदेखि सुरु हुनेछ ।
मंसिर १५ गतेदेखि सुरु भएको प्रतियोगितामा कुल ८ फ्रेन्चाइजीले भाग लिएका छन् । प्रतियोगिताको फाइनल खेल पुस ६ गते हुनेछ ।
