काठमाडौं, मंसिर १९। स्पेनिस ला लिगा अन्तर्गत मंगलबार राती भएको खेलमा स्पेनिस क्लब बार्सिलोनाले माल्लोर्कालाई ५-१ गोल अन्तरले पराजित गरेको छ।
बार्सिलोनाका लागि सुरुवाती गोल फेरान टोरेजले खेलको १२ मिनेटमा गरेका थिए । माल्लोर्काका भेडाट मुरिक्वीले ४३ मिनेटमा गोल फर्काएका थिए । पहिलो हाफमा १-१ गोल बराबरीले टुंगिएकोमा दोस्रो हाफमा बार्सिलोनाले अरू चार गोल थपेको थियो ।
खेलको ५६ मिनेटमा बार्सिलोनाका कप्तान राफिन्हाले पेनाल्टी र ७४ मिनेटमा अर्को गोल थपेका थिए । ७९ मिनेटमा डि जोङ र ८४ मिनेटमा भिक्टरले गोल गरेका थिए । जारी सिजनमा १६ खेलमा १२ खेल जित्दा बार्सिलोनाले ३७ अंक बटुलेर शीर्ष स्थानमा छ ।
बार्सिलोनालाई चुनौती दिने क्रममा दुई खेल कम खेलेको रियल म्याड्रिडको ३३ अंक रहेको छ। माल्लोर्का भने १६ खेलमा २४ अंकसहित छैटौं स्थानमा रहेको छ।
