काठमाडौं, २२ मंसिर । नेपाली कांग्रेसका सभापति शेरबहादुर देउवा यतिवेला विराटनगरमा छन् । उनी पार्टीको कोशी प्रदेशको भेलामा सहभागी हुन उनी हिजै त्यसतर्फ लागेका हुन् । आज भने उनी विराटनगरमा रहेको कोइराला निवासमा पुगेका छन् ।
जहाँ उनलाई पूर्व महामन्त्री एवम् विपीपुत्र डा. शशांक कोइरालाले स्वागत गरेका थिए । दुवै नेता चिया पिउँदै गरेको तस्विर सार्वजनिक भएको छ । उता, यसअघि नै डा. शेखर कोइरालाले भने कोशीमा आफूपक्षीय भेलाको आयोजना गरिसकेका छन् ।
उनले पार्टीको केन्द्रीय निर्देशनलाई लत्याएर आफ्नो पक्षको भेला गराएको भनेर आलोचना पनि भैरहेको छ । अहिले भने उनी उक्त भेला बहिष्कार गरेर चितवन पुगेका छन् । उनी श्रद्धाञ्जली कार्यक्रममा सहभागी हुन चितवन पुगेको उनका सहयोगी दिनेशचन्द्र थपलियाले जानकारी दिए ।
