काठमाडौं, २२ मंसिर । प्रधानमन्त्री केपी शर्मा ओली भोलि गृहजिल्ला झापा जाने तय भएको छ । उनी झापामा दुई दिन रहने पार्टीले जनाएको छ । झापा बसाईको क्रममा उनले दमक विजनेश टावरको उद्घाटन गर्ने कार्यक्रम रहेको एमाले झापाले जनाएको छ ।
यसका अलावा भोलि नै प्रधानमन्त्री ओलीले मेचीनगरमा रहेको मानबसेवा आश्रममा भवनको शिलान्यास तथा उद्घाटन गर्ने कार्यक्रम राखिएको छ । प्रधानमन्त्री ओली चार दिने चीन भ्रमण सकेर मंसिर २० गते स्वदेश फर्किएका हुन् । file photo
