काठमाडौं, मंसिर २५ । रौतहटमा गएराति भएको स्कार्पियो दुर्घटनामा ज्यान गुमाएका आठ जनाको सनाखत भएको छ । बाराको गढीमाई मेलामा सहभागी भएर सिराहा फर्कँदै गरेका दर्शनार्थी चढेको बा १६ च ३१६२ नम्बरको स्कर्पियो गएराति अनियन्त्रित भइ रुखमा ठोक्किएर दुर्घटना भएको थियो ।
दुर्घटनामा ज्यान गुमाएका सिराहा अर्नामा गाउँपालिका–३ बंठियाटोलका ६० वर्षीया लरुवती देवी महरा, ३० वर्षीया उर्मिला महरा, ५० वर्षीया रामकुमारी महरा, ५५ वर्षीया महगीं देवी महरा, ६२ वर्षीया फुलमन्ति देवी चमार, ६० वर्षीया रामकुमारी देवी महरा, ३० वर्षीया सकुन्तला देवी महरा र ४० वर्षीय स्कर्पिओ चालक श्रीकुमार यादवको सनाखत भएको रौतहट प्रहरीले जनाएको छ । दुर्घटनामा घाइते भएका ५ जनाको उपचार भइरहेको छ।
