काठमाडौं, २५ मंसिर । नेकपा (एमाले) का विदेश विभाग उपप्रमुख विष्णु रिजालले अमेरिकी सहायक विदेशमन्त्री डोनाल्ड लू को नेपाल भ्रमण नै पारदर्शी नभएको आरोप लगाएका छन् । उनले डोनाल्ड लूले नेपाल–चीन्बीचको बीआरआई सम्झौताको पारदर्शिताको माग गरेको विषयमा रिजालले यस्तो आरोप लगाएका हुन् ।
उनले नेपाल सरकारको निमन्त्रणाबिना नै आफूखुशी यसरी आउनुको उद्देश्य नै अपारदर्शी भएको टिप्पणी गरे । उनले सामाजिक सञ्जालमा लेखेका छन्-
अमेरिकी सहायक विदेशमन्त्री डोनाल्ड लुले नेपाल(चीनबीचको बीआरआई सम्झौताको पारदर्शिताको माग गर्नुभएछ । खासमा उहाँको नेपाल भ्रमण नै पारदर्शी छैन । नेपाल सरकारको निमन्त्रणा विना नै आफूखुशी यसरी आउनुको उद्देश्य नै अपारदर्शी छ । साथै, नेपालको छिमेक सम्बन्धका बारेमा टिप्पणी गर्नु अशोभनीय छ ।
