काठमाडौं, मंसिर २८ । प्रमुख प्रतिपक्षी दल नेकपा (माओवादी केन्द्र)को स्थायी समिति बैठक आज बस्दैछ । यसअघि बिहीबार बस्ने तय भएको बैठक स्थगित भएपछि आज बस्न लागेको हो ।
बिहिबारको बैठक पार्टी अध्यक्ष पुष्पकमल दाहाल ‘प्रचण्ड’को कार्यव्यस्तताका कारण स्थगित भएको थियो । आजको बैठक अहिले बिहान ११ बजे पार्टी कार्यालय पेरिसडाँडामा बस्न लागेको हो ।
बैठकमा माओवादी घटकसँगको एकता प्रक्रियालगायत विषयमा छलफल हुने बताइएको छ । साथै आजको स्थायी समिति बैठकमा केन्द्रीय समिति बैठकका एजेन्डा पनि तय गर्ने सम्भावना रहेको छ । माओवादी केन्द्रले केन्द्रीय समिति बैठक आगामी पुस २ गतेदेखि सुरु गर्ने तयारी गरेको छ ।
