आज तराई क्षेत्रमा हुस्सु र कुहिरो, अन्य क्षेत्रको मौसम सफा रहने

काठमाडौं, मंसिर २९ । हाल देशमा पश्चिमी वायुको सामान्य प्रभाव रहेको जनाएको छ । जल तथा मौसम विज्ञान विभाग मौसम पूर्वानुमान महाशाखाका अनुसार हाल देशभर मौसम सामान्यतया सफा रहेको छ । तराईका केही स्थानहरुमा हुस्सु र कुहिरो लागेको अवस्था छ ।

आज दिउँसो कोशी प्रदेशका पहाडी भूभागमा आंशिक बदली रही बाँकी भूभागमा मौसम मुख्यतया सफा रहने छ । यस्तै आज राति पनि देशभरको मौसम मुख्यतया सफा रहने छ । आज सूर्योदय बिहान ६ बजेर ४६ मिनेटमा भयो भने सूर्यास्त साँझ ५ बजेर ११ मिनेटमा हुनेछ ।