काठमाडौं, पुस ६ । राष्ट्रिय प्रजातन्त्र पार्टी (राप्रपा)को केन्द्रीय कार्यसम्पादन समितिको बैठक आज पनि बस्दैछ । पार्टी केन्द्रीय कार्यालय धुम्बाराहीमा हिजोदेखि जारी बैठक आज दिउँसो १ बजे बस्न लागेको हो । आजको बैठकमा पार्टी अध्यक्ष राजेन्द्र लिङ्देनले पेस गरेका एजेण्डामा छलफल जारी रहने पार्टी प्रवक्ता मोहन श्रेष्ठले बताए ।
उनका अनुसार हिजोबाट सुरु भएको बैठकमा समसामयिक राजनीतिक, उपनिर्वाचनको समीक्षा, स्थानीय तहको अधिवेशन र पृथ्वी जयन्ती (राष्ट्रिय एकता दिवस) लगायतका विषयमा छलफल हुनेछ ।
