काठमाडौं, १८ पुष । प्रधानमन्त्री केपी शर्मा ओली पूर्व राष्ट्रपति विद्यादेवी भण्डारीलाई भेट्न पुगेका छन् । बुढानिलकण्ठस्थित् भण्डारीको निवासमा पुगेर प्रधानमन्त्री ओलीले आज साँझ भेट गरेका छन् ।
पार्टीको सचिवालय बैठकलगत्तै प्रधानमन्त्री ओली भण्डारीलाई भेट्न पुगेका हुन् । भण्डारी एमालेको सक्रिय राजनीतिमा फर्किने हल्लाबीच प्रधानमन्त्री ओली आज उनलाई भेट्न पुगेका हुन् ।
उनीहरुबीचको भेटवार्ताको विषय भने सार्वजनिक गरिएको छैन् । उता, माओवादीमा भने पूर्व उपराष्ट्रपति नन्दकिशोर पुन सक्रिय भैसकेका छन् । उनी त आज बसेको स्थायी कमिटी बैठकमा सहभागी भएका थिए ।
